Friday, April 6, 2012

CDMA 800 ဖုန်းတွေနဲ့ အွန်လိုင်းမှာလွမ်းရအောင်နော်

 CDMA 800 ဖုန်းတွေနဲ့ အင်တာနက်ဘယ်လိုသုံးမလဲ
CDMA 800 Mhz ဖုန်းတွေမှာ အင်တာနက် အသုံးပြုနိုင်လာတဲ့အတွက် Online ကို တိုက်ရိုက် အသုံးချသူများ၊  ဆက်စပ်မှု ရှိသူများအနေနဲ့ အချိန်ပေးပြီး အင်တာနက်ဆိုင်သွားစရာမလိုတော့ပဲ အိမ်မှာရှိတဲ့ Laptop/Desktop နဲ့ အခြား အင်တာနက်အသုံးပြုနိုင်တဲ့ MID လို့ခေါ်တဲ့ Mobile Device လေးတွေနဲ့ မိမိ ရုံးနဲ့အိမ် မှာရှိတဲ့ Computer မှာ အင်တာနက်ကို ချိန်ဆက် အသုံးပြုနိုင်မှာဖြစ်ပါတယ်။ အကျိုးကျေးဇူးတွေအနေနဲ့ကတော့ အချိန် အပိုမကုန်ပဲ ထိုင်ရာမထ အိမ်ကနေ အင်တာနက် သုံးနိုင်မှာ ဖြစ်သလို လမ်းပေါ်မှာ ရောက်ရှိနေချိန်တွေမှာလည်း မိမိ ဖုန်းကတစ်ဆင့် Email စစ်ခြင်း အခြားသော သတင်းအချက်အလက်များ ကြည့်ရှုခြင်းကို သီးသန့် အချိန်ပေးစရာမလိုပဲ ပြုလုပ်နိုင်မှာဖြစ်ပါတယ်။

 
CDMA 800 Mhz တွေအတွက် လွယ်ကူအဆင်ပြေစွာ သုံးနိုင်တဲ့ Handset မျိုးစုံရှိပါတယ်။
အင်တာနက် အသုံးပြုတော့မယ်ဆိုရင်တော့ Handset ကို ရွေးချယ်ဝယ်ယူမှသာ အဆင်ပြေပါလိမ့်မယ်။ အင်တာနက် အသုံးပြုလို့တဲ့ Handset နဲ့ အင်တာနက် သုံးလို့မရတဲ့ Handset တွေကိုမေးမြန်းစုံစမ်းပြီး သေချာမှုရှိမှသာဝယ်ယူသင့်ပါတယ်။ အင်တာနက် အသုံးပြုလို့ရတယ်ဆိုခဲ့ရင်တောင်မှ အင်တာနက် အသုံးပြုနေစဉ်အတွင်း ဖုန်းခေါ်ဆိုဆက်သွယ်မှုနှင့် လက်ခံနိုင်စွမ်းရှိတဲ့ Handset မဟုတ်ခဲ့ရင် ဖုန်းပြောလိုက်ရင် အင်တာနက်လိုင်း ပျက်တောက်သွားနိုင်တာမျိုးလဲ ဖြစ်ပေါ်နိုင်ပါတယ်။ နောက်ဆုံး မိမိ အိမ်သုံး Computer တွေနဲ့ ချိတ်ဆက်ပြီး အသုံးပြုဖို့ ရည်ရွယ်ထားတယ်ဆိုရင်တော့ Handset က Moden အနေနဲ့ပါ အလုပ်လုပ်နိုင်ဖို့လိုပါတယ်။ အကယ်၍ ကိုယ့်မှာ Handset ကတော့ ဝယ်ယူပြီးသားဖြစ်နေပြီး ကွန်ပျူတာနဲ့ ချိတ်ဆက် ပြီး Moden အနေနဲ့ သုံးလို့မရတဲ့ အမျိုးအစား ဖြစ်နေတယ်ဆိုရင် CDMA 800 Mhz အတွက် USB နဲ့ အသုံးပြုနိုင်တဲ့ Moden တွေကို ဝယ်ယူ အသုံးပြုနိုင်ပါတယ်။ USB Moden နဲ့ အသုံးပြုနေစဉ်မှာတော့ Moden ပေါ်မူတည်ပြီး ဖုန်းအဝင် သိရှိခြင်း လက်ခံခြင်းတို့ ပြုလုပ်နိုင်မှာဖြစ်ပေမယ့် မရတဲ့ Moden ကများပါတယ်။
အတိုချုံးပြောရရင်တော့  CDMA 800 Mhz  Handset ဝယ်ယူမယ်ဆိုရင်
အင်တာနက် သုံးလို့ရမရ
အင်တာနက် အသုံးပြုစဉ် ဖုန်းဆက်သွယ်မှု ပြုလုပ်၍ ရမရ
ဖုန်းကို Moden အဖြစ် ကွန်ပျုတာနှင့် ချိတ်ဆက် အသုံးပြု၍ရမရ
မေးမြန်းစုံစမ်းပြီး ဝယ်ယူသင့်ပါတယ်။
အခုလက်ရှိ ဈေးကွက်မှာ လွယ်ကူစွာ ဝယ်ယူရရှိနိုင်တဲ့ Huawei c5900 နဲ့ Android OS သုံးထားတဲ့ Huawei c8600 တွေနဲ့ ချိတ်ဆက်နည်း အသုံးပြုနည်းများကို ရေးသားပေးပါ့မယ်။ ကျန်တဲ့ android ဖုန်းတွေအတွက် c8600 ကိုနမူနာထားပြီး ထည့်သွင်းနိုင်သလို အခြားဖုန်းများအတွက် c5900 ကိုနမူနာထားပြီး ထည့်သွင်းနိုင်ပါတယ်။

Huawei c5900 မှာ အင်တာနက်ချိတ်ဆက်ခြင်း


ဖုန်းရဲ့ Menu ကိုနှိပ်ပါ။
esurfing ကိုနှိပ်ပါ။ icon တွေရဲ့ အလယ်လောက်မှာ ရှိပါတယ်။
WAP ကို နှိပ်ပါ။
Option ကိုထပ်ပြီး ဝင်ပေးပါ။ Option အောက်က Setting ကိုရွေးချယ်ပေးပါ။
Proxy ထည့်သွင်းဖို့အတွက် Proxy Setting ထည့်ပေးရပါမယ်။
Use proxy ကိုရွေးပေးပါ။ ပြီးရင် Setting အောက်မှာ Proxy Server ကို ရွေးပေးပါ။
custom1 ကိုရွေးပါ။ ဒါမှမဟုတ် အသစ်တစ်ခုဆောက်ပါ။
Address မှာ 192.168.50.16 နဲ့ Port မှာ 8080 ထည့်ပေးပါ။
User Name မှာ yourname@c800.mm ထည့်ပေးပါ။ yourname နေရာမှာ ကိုယ့်စိတ်ကြိုက် User Name ထည့်ပါ။ နောက်ကတော့ @c800.mm ဖြစ်ရပါမယ်။
Password မှာတော့ စိတ်ကြိုက် password ထည့်ပေးပါ။
PPP Number မှာ #777 ထည့်ပေးပါ။
Use HTTP/1.1 ကို ရွေးချယ်ပေးပါ။
ပြီးရင်တော့ အင်တာနက် အသုံးပြုလို့ရပါပြီ။

Huawei c8600 Android


ဖုန်းမှာ ထည့်သွင်းနည်းကို ကြည့်ပြီး အခြား Android နဲ့ ထည့်သွင်းနိုင်ပါတယ်။
Home ကနေ Menu ကိုနှိပ်ပါ။ Setting ကိုဝင်ပါ။
Wireless ကိုရွေးချယ်ပါ။
အောက်ဆုံးမှာ ရှိတဲ့ Mobile Networks ကိုရွေးချယ်ပါ။
Access Point Name ရှိပါတယ် ရွေးပေးပါ။
New APN ကိုရွေးချယ်ပါ။
Name ကိုမိမိနှစ်သက်ရာ နာမည်ပေးပါ။ ကျွန်တော်ကတော့ မှတ်မိလွယ်ရန်အတွက် cdma800 လို့ပေးထားပါတယ်။
APN မှာ #777 ကိုထည့်ပေးပါ။
User Name မှာ စိတ်ကြိုက်အမည်နောက်က @c800.mm လို့ရွေးပေးပါ။ ဥပမာ kokoye2007@c800mm.com
Password မှာ စ်ိတ်ကြိုက် Password ပေးပါ။
Proxy မှာ 192.168.50.16 ထည့်သွင်းပေးပါ။
 Port မှာ 8080 ထည့်ပေးပါ။
ပြီးရင် မှန်မမှန် ပြန်လည်စီစစ်ပေးပါ။
Save ပြီးရင်တော့  APN ထဲမှာ cdma800 ဆိုပြီး ပေါ်နေပါပြီ။
အဲတာလေးကို ရွေးပေးပြီးရင် အင်တာနက်သုံးလို့ရပါပြီ။
သူများကိုအချိပ်ခိုင်းရင်တော့သုံးထောင်မစရပါလိမ့်မယ်ကိုယ်တိုင်လေ့လာထားတော့
သုံးထောင်မပေးရတော့ဘူးပေါ့နော်။
From………..www.nayminmaung.info/

No comments:

Post a Comment